坐骨神經痛原來要醫隻腳！

坐骨神經痛徵狀通常會有腰痛伴隨放射痛到一邊屁股，大腿甚至腳板，嚴重時仲會麻痹。

去睇醫生大多數都會話原因係生骨刺或者椎間盤突出。

臨床見得比較多係因為之前曾經腳有外傷（扭傷腳踝膝關節等）導致兩邊腳筋膜唔平衡。

曾經遇到一個個案：

30歲左右女士突然急性坐骨神經痛，又痛又痺，彎唔到腰，著鞋都有問題。

問診發現原來多年前曾經拗柴，但冇去醫治過，導致兩邊腳用力唔平均。再加上前幾日去行山用力多左導致下肢筋膜扭住左。

鬆返腳踝，臀肌筋膜後，坐骨神經痛立即好轉。